Ekîbê Îtfaîyeyî yê Şaredarîya Amedî ya Bajarê Girdî, qeza de ke Qezaya Pasûrî de bîye û wasitaya ke kewte gola awdayîşî bi xebata serkewte xo resna wayîrê ci.

Qeza Taxa Ozbekî ya girêdayeya Qezaya Pasûrî de bîye. Seba ke şoforî îdareyê diriksîyonî vindî kerd wasita kontrol ra vejîyaye û kewte gola awdayîşî. Şofor bê derb xo xelesna la wasita pêro awa de şîye war. Vengdayîşî ekîbê binawe yê girêdayeyê Serekîya Daîreya Îtfaîyeyî ya Şaredarîya Amedî ya Bajarê Girdî ser o ekîban bi lez hereket kerd û seba ke midaxele bikê şîyî mintiqa.

Ekîbê binawe yê Şaredarîya Bajarê Girdî û ekîbê Gêrayîş û Xelsnayîşî yê Şaredarîya Pasûrî pîya bi hawayêko bikoordine xebata 2 saetan kerde û wasita xorînîya gole ra vejîya û wayîrê ci rê ameye resnayene.