Hemşaredara Şaredarîya Amedî ya Bajarê Girdî Serra Bucak, munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de rayîrşîyayîşo ke Mardîn de virazîya, beşdarê ci bîye.

Komîteya Cinîyan a Rayberîyanê Herêmkîyan a Partîya Wekhukûqî û Demokrasîya Şaran (Partîya DEMî), munasebetê 25ê Teşrîna Peyêne Roja Têkoşînê Mîyanneteweyî yê Vera Şîdetê Cinîyan de çarçewaya kampanya "Vatişê ma nêqedîya, ma do pîya şîdetî vindarnê" de Mardîn de rayîrşîyayîş organîze kerd. rayîrşîyaîşî de Hemşaredara Şaredarîya Bajarê Girdî Serra Bucak, hemşaredarê şaredarîyan û parlamenterê Partîya DEMî û cinîyî beşdar bîyî.

Hemşaredare Bucak ke Çartrayîrî Îldoyî ya Qeza Artukluyî de cinîyan reyde ameye têhet, uca ra heta Parka Rayîranê Asinî rayîr şîy.

Beyanato ke Parka Rayîranê Asinî de ame kerdene, tede bale ame antene şîdetê cinîyan ser o û tayînkerdişê qeyyûman ê şaredarîyan protesto bî.