Sporê Şaredarîya Amedî ya Şaristanê Girdî, bi serkewtişanê ke hentbol, voleybol û futbolî de girewtî, serkewtişê xo dewam keno.

Sporê Şaredarîya Amedî ya Şaristanê Girdî ke binê Serekîya Daîreya Xizmetanê Ciwanî û Sporî de ameyo ronayene, musabeqayanê hentbol, voleybol û futbolî de zorê reqîbanê xo berd.

5 musabeqayan de 5 serkewtişî

Sporê Şaredarîya Amedî ya Şaristanê Girdî ke Grûba G ya Lîga 2. ya Hentbolî ya Camêrdan a Tirkîya de kay keno, kayê ke teber raŞaredarîya Wanî ya Şaristanê Girdî reyde kay kerd, skorê 42-23 reyde qezenç kerd. Bi nê netîceyî taximê DBB'yî, 5 kayan de 5 serkewtişî girewtî.

Grûba 15. ya Lîga 2. ya Voleybolî ya Cinîyan de zî Sporê Şaredarîya Amedî ya Şaristanê Girdî, Salonê Sporî yê Koşklerî de Taxijmê Voleybolî yê Vêranşarî reyde kay kerd û bi skorê 3-1 zrê ci berd. Badê nê netîceyî, Taximê DBB'yî, bi 7 serkewtişan lîge de rêza 3. de ca girewt.

Lîga Super Amatorî de zî Sporê Şaredarîya Amedî ya Şaristanê Girdî, seba ke reqîbê ey Sur Bagıvar Gençlîkspor nêameyo musabeqa, 3-0 bi hukmî serkewte ame hesibnayene.