Mudirîya Pêroyî ya DÎSKÎ ya Şaredarîya Amedî ya Şaristanê Girdî, qezaya Baglarî de herêma Keyeyê Afetî de kanalê awidayîşî pak kerd.

Mudirîya Pêroyî ya Îdareyê Awe û Kanalîzasyonî ya Amedî (DÎSKÎ), seba ke şarî rê xizmetêko kalîteyin pêşkêş bikero û problemanê binawanî safî bikero, xebatanê xo seranserê bajarî de dewam kena.

Ekîbê DÎSKÎ ke herêma Keyeyê Afetê Licê ya girêdayeya qezaya Baglarî de mudaxele kerd problemanê kanalê awidayîşî ke mesulîyetê DSÎ de yo, seba ke vera şîyayîşê awa varanî bigîrê ke zerar dayo erdanê ramiteyan, xebata pakîye ya 3 kîlometre kerde. Xebatan de ke bi ardimîya makîneyanê karî ameyî kerdene, madeyê zerarînî yê kanalê awidayîşî ameyî pakkerdiş û binê kanalî û kenarê ey bi dîqqet ameyî tamîrkerdene. Bi nê xebatan vera rîskê lêmîmbîyayîşê muhtemelî tedbîr ame girewtene.

Seba şarî menfez ame viraştene

Ekîbê Serekîya Daîreya Awa lêmine, eynî herême de seba temînkerdişê vîyartişê rayîrî viraştişê menfezî zî qedêna. Çarçewaya xebatan de 50 metre derg boruyê betonî yê 1000in û 24 metreyî derg boruyê çelîkî yê 1000in ameyî ronayene.

Bi nê menfezanê ke ameyî viraştene, bi taybetî varanê xurt û yewreye de hedefîyayo ke şar bi hawayêko ewle bireso erdanê xo.

Mudirîya Pêroyî ya DÎSKÎ, xebatanê xo yê averberdişê xizmetanê binawanî û kerdişê derûdorî yê hîna weşî dewam kena.