Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê nîşandayîşê belgefîlmê "Hîrê Odayê Edaletî" bî û dîyar kerd ke xebatê vîrê fekkî seba rîbirîbîyayîş û awankerdişê aştî de muhîm ê.

Hemşaredarê Şaredarîya Amedî ya Şaristanê Girdî Serra Bucak û Dogan Hatun beşdarê nîşandayîşê belgefîlmê "Xebatê Tarîxê Fekkî: Hîrê Odayê Edaletî" bî ke Komela Pawitişê Mîrasê Kultur û Tebîetî ya Amedî hazir kerdo û Merkezê Vîrî piştî dayo. Ekîbê programî verê nîşandayîşê belgefîlmî ke otelêkê Kayapinarî de virazîya, hemserekanê programî otelî de hemşaredarî pêşwazî kerdî. Hemşaredaran temaşekaran reyde belgefîlm temaşe kerd ke tede avûkatê ke 1980 û badê ey serekîya Baroya Amedî kerda û îhlalê heqan de têkoşînê huqûqî dayo, înan reyde sohbetê tarîxê fekkî ameyê kerdene.

Bucak: Herêmanê sey ma de vîyarte nêvîyareno

Hemşaredare Bucak ke badê nîşandayîşê belgefîlmî dawetê kursî bî, bale ant ke ganî tarîxo fekkî hîna zêde bêro arêdayene û wina va: "Çîyo ke ma şahidîya ci kerda bêguman tesîrêko xorîn dano nê herêmî. Parçeyê her kesî uca de yo, cayêko ke komelî ra kopîyayo de nîyo. Zî cayê sey herêmê ma de vîyarte nêvîyareno. Herêmanê bînan û qitayan de komelî est ê ke merdimê vindî dîyê; şahidîya faîlî meçhulan û dîktatorîyan kerda la xebatanê vîrê înan de vîyarte esto û ê ewnîyenê vîyarteyî ra û qîymetê ewroyî zanê." 

'Hewcedarîya rîbirîbîyayîş û heqîqetî est a'

Bucak sipasîya xo kerd heme kesê ke viraştiş û antişê belgefîlmî de kedê înan vîyarto û wina dewam kerd: "Rîbirîbîyayîş û heqîqet hewcedarîya herêmê ma yo. Çîyo ke qewmîyayo nêvîyareno. Têkoşînê heq û huqûqî şino dimensyonanê bînan. Ma nê tewir xebatan zaf qîymetinî vînenê. Ma hêvî kenê ke berpirsîyarî, hukmatî û sîstemî bêrê rîbirîbîyayîş. Ma sey rayberîyanê herêmkîyan û sey Şaredarîya Amedî ya Şaristanê Girdî wazenê ke xebatê vîrê komelkî û heqîqetî verê welatê ma de heme Rojhelatê Mîyanênî de bibê wesîleyê aştîya mutlaq."

Hemşaredar Hatun: Belgekerdişê şahidîyan zaf qîymetdar o

Hemşaredarê Dogan Hatunî zî va ke ey zaf rewşanê ke belgefîlm de ca gênê, şahidîya înan kerda. Hatunî wina qisey kerd: "Seba ke a prosese reyde rîbirîbîyayîş nêbîyo hema zî eynî çî benê. Hem meselaya Pasûrî hem zî qisaya Licê hema vîrê ma de ya. Belgekerdişê nê şahidîyan zaf qîymetdar o. Ez nêzana ma key rîbirî bê la heqê ma yê persvînayîşî esto."