Şaredarîya Amedî ya Şaristanê Girdî 8 aşman de 164 waştişê medîkalî yê astengdaran qebul kerdî. Mudirê Şûbeyê Xizmetê Astengdar û Pîran Dîyar Oguzşoyî va ke 185 kesî muracat kerdo û ê şinê keyeyan ke rewşa înan kontrol bikerê.
Oguzşoyî îfade kerd ke ê tekerlek, tekerlekê akulyinî, basto sipî û cayê rakewtişî danê astengdaran. Reyna atolye de zî tamîrê wasitayanê astengdaran bêpere yeno kerdiş.
'Ez êdî birehetî şêna şêra kar'
Mewlûd Çinarî ke kênaya xo ya 10 serra rê tekerleko newe ame dayîş, va ke êdî şêno şêro kar. Çinarî va ke medya sosyalî ra dîyo û sey heme astengdaranê bînan, destegê şaredarî girewto û pê zaf kêfweş o.
