Şaredarîya Amedî ya Şaristanê Girdî seba ke personelê aye hîna baş projeyan ser o bixebitîyo, perwerde dabî. Perwerde bi dayîşê belgeyanê beşdarîye qedîya.

Şaredarîya Şaristanê Girdî, Yewîya Şaredarîyanê Tirkîya (TBB) û Yewîya Ewropa (YE) reyde, seba personelan "Perwerdeyê Îdareyê Dewreyê Projeyan û Resayîşê Çimeyê Fonan" organîze kerdbî.

Ronişto dîyin ê perwerdeyî ke armancê ey berzkerdişê kapasîteya hazirkerdişê projeyan û seba ke şaredarî fonê neteweyî û mîyanneteweyî ra hîna rind îstîfade bikero, Merkezê Kultur û Kongre yê Çand Amedî de virazîya. Serekê daîreyan û mudirê şubeyan beşdarê perwerdeyî bîy.

Sekreterê Pêroyî yê Şaredarîya Şaristanê Girdî Emrullah Gordukî, peynîya perwerdeyî de belgeyê beşdarîye dayî personelan