Hemşaredara Şaredarîya Amedî ya Şaristanê Girdî Serra Bucak, Mudirê Pêroyî yê Îlbankî reyde projeyê averşîyayîşê Amedî ser o qisey kerd.

Hemşaredara Şaredarîya Amedî ya Şaristanê Girdî Serra Bucak seba têkilîyan Anqara de Mudirê Pêroyî yê Îlbankî Recep Turk reyde ameye têhet. Pêvînayîş de hîbeyê ke dezgeyanê fînansmanê mîyanneteweyî ra Şaredarîya Amedî ya Şaristanê Girdî rê ameyê abirnayene, projeyê ke dewam kenê, senîn bêrê xebitnayene û xebatê ameyoxî ser o ame qiseykerdene.

Projeyê Rayîrê Sivik yê Trenî rojeve de bî

Kombîyayîş de projeyê SUMART ke çarçewaya Têkilîya Malî ya Tirkîya-YE'yî de dewam keno, projeyê Rayîrê Sivik yê Trenî yê Amedî ser o ame vindertene. Hemşaredare Bucak bale ant ke no proje do binawanîya reyayîşê Amedî aver bero.

Mudirê Pêroyî yo Îlbankî û Hemşaredare Bucak projeyê ke hedefê averşîyayîşê Amedî rê yê û xurtkerdişê têkilîya Îlbankî ser o fikrê xo vatî. 

Kombîyayîş de Mudirê Pêroyî yê DÎSKÎ Mehmet Şerîfoglu û Serekê Daîreya Cigêrayîş û Projeyanê Şaredarîya Şaristanê Girdî Murat Akbaş zî hazir bîyî.