Mudirîya Pêroyî ya DÎSKÎ, seba 400 kesan ke cayê newe yê Taxa Qizlan qezaya Gêlî û Mezraya Adalaran yê Taxa Kuşlukçayirî ya qezaya Çêrmûgî de ciwîyenê, xeta awa şimitişî ya 3 hezar û 300 metre ronaye.

Mudirîya Pêroyî ya DÎSKÎ seba çareserkerdişê problemê awa şimitişî yê qeza û dewan xebatanê xo dewam kena. Şarê ke cayê newe yê Taxa Qızlana Gêlî û Mezraya Adalarana Taxa Kuşlukçayirî ya Çêrmûgî de ciwîyenê, seba çareserkerdişê problemê awa şimitişî mudirîyetanê şubeya Gêl û Çêrmûgî yê DÎSKÎ rê muracaat kerdo.

'Waştişê şarî leze ame caardene'

Mudirîya Pêroyî ya DÎSKÎ badê muracaatî, seba problemê awa şimitişî yo ke 10 serrî yo dewam keno, ca de dest bi xebatan kerd. Ekîbanê DÎSKÎ nufus û planê îmarî binge girewt û projeyêk viraşt. No proje de Taxa Qızlan de 14 keyeyan rê 1000 metre û Mezraya Adalaran a Taxa Kuşlukçayirî de 40 keyeyan rê 2 hezar û 300 metre PE borî Q75î ronaye û pêro pîya 3 hezar û 300 metre xeta neweye ya awa şimitişî ameye ronayene.

'Problemê awa şimitişî yê 400 kesan ame çareserkerdiş'

Xebate de problemê awa şimitişî yê 54 keyeyan ke tede 400 kesî ciwîyenê ame çareserkerdiş. Badê qedîyayîşê xebate ke demêko kilm de bî, şarê ke Taxa Qızlan û Mezraya Adalaran a Taxa Kuşlukçayirî de ciwîyeno, badê 10 serran reyna resa awa şimitişî.