Hemşaredara Şaredarîya Amedî ya Şaristanê Girdî Serra Bucak, vernîya diruşmaya dîyine ya dawa ke seba Narîn Guran ke heqê cuya aye ameyo binpaykerdiş ameya akerdene, Edlîyeya Amedî ver de beyanatê çapemenîye de beşdarê ci bîye.

Narîn Gurana 8 serrî ke Taxa Tavşantepeyî ya Baglarî de 21ê Tebaxe de vîndî bîbî û cenazeyê aye 8ê êlule de Çemê Egertutmazî de vejîya. Diruşma dîyine Mehkemaya Cezaya Girane 8. ya Amedî de dest pêkerd.

Hemşaredara Şaredarîya Amedî ya Şaristanê Girdî Serra Bucak, vernîya diruşma, beyanatê çapemenîye yê ke hetê Tora Vera Şîddetî ya Amedî ra ame organîzekerdiş, beşdarê ci bîye. Beyanat de bale ame antene ke cezanêdayîşê kiştişê cinî û domanan ganî biqedîyo û veng ame dayene ke wa edalet bêro ca.