Ekîbê Şaredarîya Amedî ya Şaristanê Girdî do seba rehetî û emnîyetê şarî bi heme beşanê xo seba serrneweyî qadan ra bibê.

Ekîbê Şaredarîya Şaristanê Girdî do şewa serrneweyî de seba ke şar bi rehetî û emnîyet wext vîyarno bi heme beşanê xo qadan ra bibê. Şaredarîye ke zaf qadan de sey resayîş, weşîye û kontrolî de tedbîrê hîrayî girewtê, do heme şaristanî de xizmeto bêvindertiş bido.

Her rayîr de otobusê nobetdarî

Seba ke qelebalixê şewa serrneweyî bêro kêmîkerdiş, seba wasitayanê resayîşê pêroyî seferê îlaweyî ameyî plankerdiş. Her rayîr de otobusê nobetdarî do xizmet bidê û problemê resayîşê şarî do nêvejîyo meydan.

Otobusî do bêpere xizmet bidê

Çarçewaya tedbîran de roja çarşeme ya 1ê çeleyê 2025î de heme otobusê şaredarîye do bêpere xizmet bidê.

Do vera alkolê sexte de tedbîr bêro girewtiş

Ekîbê ke girêdayeyê Serekîya Daîreya Weşîye û Serekîya Daîreya Zabita yê, do ekîbanê şaredarîyanê qezayan reyde pîya vera pakî û alkolê sexte de qadan ra bibê û do zaf cayan kontrol bikerê.

Ekîban ke seba ke şar şewa serrneweyî bi rehetî û aramî vîyarno heme tedbîrî girewtê, kontrolan de ke do heme şaristanî de bêrê kerdene, do vera rewşanê negatîfîyan prosedurî bîyarê ca. Xebatê ke do nê çarçewa de bêrê ramitene do heta şefeqî dewam bikerê.

Do îxbaran rê ca de mudaxele bêro kerdene

Ekîbî do îxbaran rê ke yenê Xeta Çareserîya Cayî ya 153î, ca de mudaxele bikerê.