Hemşaredara Şaredarîya Amedî ya Şaristanê Girdî Serra Bucak beşdarê Kombîyayîşê Heyeta Îdareyî ya Ajansa Averşîyayîşî ya Qerecedaxî ke Rihayî de virazîya, bîye.

Kombîyayîşî rê Walîyê Amedî Murat Zorluogluyî serekîye kerde û Walîyê Rihayî Hasan Şildakî mêmandarî kerde. Kombîyayîşî de, projeyê ke çarçewaya Projeyê Kardarîya Komelkî, Xurtkerdiş û Adaptasyonî (SEECO) de hemkarîya Wezaretê Pîşesazî û Teknolojî û Bankaya Dinya de yenê ramitene û hetê Yewîya Ewropa ra yenê fînansekerdene ser o ame vindertiş.