Mudirîya Pêroyî ya DÎSKÎ, Mezraya Dallikaya û Başdonmezî ke girêdayeyê Taxa Încîllî ya Qezaya Çêrmûg ê û nifûsê înan 650 o, seba înan debîyê awa çimeyî sanîye de 2 lîtreyan ra kerd 6 lître.

Mudirîya Pêroyî ya DÎSKÎ, qeza û taxanê dewan de seba ke problemê awe temamen safî bikero, cehd kena. Ekîbê DÎSKÎ ke xebatanê binawanî dewam kenê, Taxa Încîllî ya Qezaya Çêrmûge de Mezraya Dallikaya ke nifûsê ci 500 û 122 keyeyî ya û Mezraya Başdonmezî ke nifûsê ci 150 û 40 keyeyî ya, tede seba ke problemê awa şimitişî yê şarî safî bikero, dest bi xebate kerd.

Hewcedarîya awe yê 650 kesan temîn bîye

Ekîbê DÎSKÎ waştişê şarî ser o, seba ke debîyê çimeyî yo ke awa Mezraya Dallikaya û Başdonmezî temîn keno berz bikero, 20 rojî bi ekskavatoran xebitîya û debîyê çimeyî yo ke sanîye de 2 lîtreyî awe dayêne kerd 6 lître û lezîya awe berz kerde. Ekîbê DÎSKÎ bi xebata xo ya ke kerda debîyê çimeyî ke awa Mezraya Dallikaya û Başdonmezî temîn keno 2 lître/sn ra kerd 6 lître/sn û lezîya awa 650 kesan hîna lez kerd.

Seba çareserîya daîmî do pompa bêro girewtiş

Berpirsîyarê DÎSKÎ derheqê xebate de agahdarî da û va seba nê mezrayan do çareserîyêka emirderge peyda bikerê û seba ney do pompaya goreyê debîyê çimeyê awe bigîrê û do şarî rê bi hawayêko weş û bêvindertene awa şimitişî bêro dayene.