Kombîyayîşî de ke Şaredarîya Amedî ya Şaristanê Girdî seba ke xebatê cîyakerdişê eşteyan cayê xo de bêrê lezkerdiş organîze kerdo, qerar ame girewtiş ke fealîyetê cîyakerdişê eşteyan heme şaristanî de vila bibo.

Bi koordinasyonê Serekîya Daîreya Vurîyayîşê Îklîmî û Eşteyê Sifirî û Serekîya Daîreya Kontrol û Pawitişê Derûdorî, beşdarîya heme şaredarîyanê qezayan a, seba ke xebatê cîyakerdişê eşteyan cayê xo de bêrê lezkerdiş, kombîyayîşêk ame organîzekerdene.

Prosedurî ameyî dîyarkerdiş

Kombîyayîşî de rewşa nikayîne ya prosesê îdareyê eşteyan ame nirxnayene û prosesê koordinasyonê mabênê şaredarîyanê qezayan û fîrmayanê lîsansinan ser o ame vindertene. Wexto ke prosedurê ke şaredarîyê qezayan ganî prosesê îdareyê eşteyan de biewnîyê tira ameyî dîyarkerdiş, stratejîyê ke seba vila kerdişê fealîyetanê cîyakerdişê eşteyan ê şaristanî ser o ame vindertene. Reyna, plankerdiş mekanîzmayanê kontrolî seba ke nê xebatî dewamkerdeyî bibê, mîyanê sernameyê muhîmî yê kombîyayîşî de ca girewt.