Taximê Şaredarîya Amedî ya Şaristanê Girdî, hentbol, voleybol û futbolî de reqîbê xo bin vistî û hewte bi serkewtişan qedêna.

Taximê Şaredarîya Amedî ya Şaristanê Girdî ke binê Serekîya Daîreya Xizmetê Ciwan û Sporî de awan bîyo, hentbol, voleybol û futbolî de musabeqayan de vera reqîbanê xo ser kewt.

Taximê Voleybolî yê Cinîyan yê DBB’yî ke Lîga 2. de kay keno qada xo û temaşekeranê xo ver de Taximê Voleybolî yê Fîrat Ozkan ê Xerpêtî bi skoranê 25-08, 25-19, 25-10î 3-0 bin vist.

8 musabeqayan de 8 serkewtişî

Taximê Hentbolî yê DBB’yî zî musabeqaya Hentbolî ya Camêrdan a Lîga 2. de Taximê Sporî yê Şaredarîya Wanî ya Şaristanê Girdî 42-33 bin vist. Na serkewtişî reyde Taxima Hentbolî ya DBBî 8 musabeqayan de 8 serkewtişî girewtî û grûba G de bêbinkewtene serekîya xo dewam kena.

Lîga Super Amatorî de zî Taximê Futbolî yê Şaredarîya Amedî ya Şaristanê Girdî, tesîsanê Şilbe de kaykerdişê xo de Asurspor Gêl 8-2 bin vist. DBB 3 musabeqayan de zî serkewtişî girewt û rêza xo ya 4. grûba xo de pawit.