Şaredarîya Amedî ya Şaristanê Girdî aktîvîteyê serrneweyî organîze kerd ke bi eleqeyêko zaf bi coşêko gird ame pîrozkerdiş.

Şaredarîya Amedî ya Şaristanê Girdî, 13ê çeleyî de ke bi seyan serran o ke herême de bi merasîmanê renginan yeno pîrozkerdiş, aktîvîteyê serrneweyî organîze kerd. Aktîvîte bi rayîrşîyayîşê Semtê Dortyolî yê Qezaya Baglarî ra dest pêkerd. Hemşaredarê Şaredarîya Amedî ya Şaristanê Girdî Serra Bucak û Dogan Hatun, Hemşaredara Şaredarîya Baglarî Leyla Ayaz û bi seyan şar beşdar bîy.

Aktîvîteyê gedayan ê taybetî 

Parka Koşuyolî de hetê personelanê şaredarîye ra seba gedayan aktîvîteyê boyaxkerdişê rîyan ame organîzekerdene. Gedeyî, ritîm û muzîk reyde keyweş bîyî.

Vengdayîşê aştî û azadîye

Hemşaredare Bucak qiseykerdişê xo de waşt ke serrnewe aştî û azadîye bîyaro. Dima beşdaran rê werd û şimitişê germî ameyî îkramkerdene. Program bi goşdaritişê dengbêjan û govenda dawil-zirna qedîya.