Şaredarîya Amedî ya Şaristanê Girdî, Qezaya Sûrî de stand ronana û goşdarîya waştiş û pêşnîyazanê şarî yê derheqê xizmetanê şaredarîye de kena.

Bi rayberîya Şaredarîya Şaristanê Girdî seba ke waştişanê şarî rê çare bêro dîyene, DÎSKÎ û çar şaredarîyê merkezî yê qezayan reyde xebatê ronayîşê Koordînasyonê Têkilîyanê Şarî dewam kenê. Na çarçewa de Serekîya Daîreya Çapemenî, Weşanî û Têkilîyanê Şarî seba ke şar hîna rehet bieşko têkilî rono, verê Camîyê Pîlî de stand akerd. Karkerê şaredarîye ke standan de xebitîyenê pêşnîyaz û waştişê şarî not girewtî û anketê memnunîyetî kerd.

Sereka Daîreya Çapemenî, Weşanî û Têkilîyanê Şarî Berîvan Guneş standanê xo ra derheqê xebatan de malumat da û va: "Ma seba ke şarê ma ke nêşeno bêro şaredarîye yan zî şaredarîye nêşinasno, ma waşt ke rehet ma reyde têkilî rono ma standanê xo akenê. Ma herêmaq pîlote Sûr weçîna. Ma do Sûr ra dima standanê xo Baglar, Yenîşehîr û Kayapinarî de zî akerê."