Gola awe ya ke Şaredarîya Amedî ya Şaristanê Girdî Çêrmûge de viraştişê aye qedênayo, teqrîben 7 hezar heywanan rê awa şimitişî resna. Şarê taxe ke çimeyê debara înan a yegane heywandarî ya va "Heta nika ma seba ke awa ma çin bî perîşan bîyêne. Naye ra dima ma do rehet bibê."

Serekîya Daîreya Xizmetanê Dewan seba averşîyayîşê ziraet û heywandarî karê xo dewam kena û projeyî virazena. Na çarçewa de ekîbê Şaredarîya Şaristanê Girdî Taxa Bircemalî ya Qezaya Çêrmûge de gola awe viraşte û arde xizmetê heywanperwerdan. Taxa Yalazayî ya Qezaya Lîceyî de zî xebatê viraştişê gole dewam kenê. 

Muxtarê Taxa Bircemalî ya Qezaya Çêrmûge Ferît Gulî va "33 keyeyê ma est ê. Pêro heywanan weye kenê. 6-7 hezarî heywanê ma est ê. Heta nika ma seba ke awa ma çin bî perîşan bîyêne. Şaredarîya Şaristanê Girdî ma rê tîya de gola awe viraşte. Heq înan ra razî bo."