Mudirîya Pêroyî ya DÎSKÎ seba ke problemê şarê mezraya Zurneya ya girêdayeya Taxa Halioren a Qezaya Çinarî ke 10 serrî yo nêeşkenê awa şebekeyî bigîrê, dest bi xebate kerd.

DÎSKÎ xeta şebekeyî ya yew kîlometreyî ronana. Yewna hefte de xebatî do biqedîyê.

Şarê mezraya Zurneya qeyd kerd ke 10 serrî yo ê seba xo û heywananê xo dûrî ra bîran û çeşmeyan ra awe anê. Înan va ke înan bîran ra awe antêne û zimistanî zî vewre helnayênê û awa aye şuxulnenê. Cinîyan şewe şîyênê awe antêne û heta ke ameyênê keye dest û lingê înan cemed bestêne.

Şar kêfweş o ke DÎSKÎ problemê awe safî kena û înan rê awa pake ana.