Hemşaredarê Şaredarîya Amedî ya Şaristanê Girdî Dogan Hatunî parlamenterê CHP’yî qebul kerd û derheqê erdlerz û problemanê bajarî de qisey kerd.

Seba programê vîrardişî yê serrgêra erdlerzanê 6ê sibate heyeto ke tede Parlamenterê CHP’yî yê Amedî Sezgîn Tanrikulu, Parlamenterê Rîze Tahsîn Ocakli û Parlamenterê Îzmîrî Yuksel Taşkin est bî, şî Hemşaredarê Şaredarîya Şaristanê Girdî Dogan Hatun zîyaret kerd. Hemşaredar Hatun û kesê ke ey reyde bîyî badê qebulkerdişê heyetî ame têhet.

Têdîyayîşî de problemê ke badê erdlerzî vejîyayê meydan, mexdurîyetê ke ameyê ciwîyayene, problemê sitarbîyayîşî û vurîyayîşê bajarî yê cayê xo ser o fikrê pêroyî ameyî qiseykerdene.

Zîyaretî de Sekreterê Pêroyî Emrullah Gorduk, Hetkara Sekreterê Pêroyî Zerîn Turk û endamê meclîsî zî Hemşaredarî reyde bîyî.