Hemşaredara Şaredarîya Şaristanê Girdî Serra Bucak, pêşkêşîya ke daîreya resî ya Şaredarîya Zurîhî taybetî seba Şaredarîya Amedî hedre kerdbî, temaşe kerd û seba ke bajarî de xizmetê resî yo hîna kalîteyin bêro dayene melumatî girewtî.

Hemşaredara Şaredarîya Amedî ya Şaristanê Girdî Serra Bucak, programê daşinasnayîşî ke Şaredarîya Zurîhî mabênê 4-7ê sibate de organîze kerdo û sîstemê res, bajarwanîya zîrek û safîkerdişê eşteyê huşkî yê Kantona Zurîhî de têkilîyanê xo dewam kena.

Programî de daîreya resî ya Şaredarîya Zurîhî, seba Şaredarîya Amedî yew pêşkêşîya taybete yê sîstemê resî pêşkêş kerd. Hemşaredare Serra Bucak ke pêşkêşî temaşe kerd, tecrubeyê sîstemê asinrayîran û resî yê Zurîhî û projeyê înan etut kerdî û seba ke Amed de xizmetêko hîna kalîteyin bêro dayene melumatî girewtî.

Têkilîyan de endamê Meclîsê Şaredarîya Şaristanê Girdî Gulay Kiliç û Welat Esen Hemşaredare Bucak reyde bîyî.