Wendekarê Fakulteya Tibî ya Unîversîteya Dîcle, çarçewaya dersa "Weşîya Şarî" de Tesîsê Agoznayîşê Awa Şimitişî yê Mudirîya Pêroyî ya DÎSKÎ de perwerde girewt.

Mudirîya Pêroyî ya DÎSKÎ, waştişê Fakulteya Tibî ya Unîversîteya Dîcle ser o Tesîsê Agoznayîşê Awa Şimitişî yê Serekîya Daîreya Tesîsanê Awe de çarçewaya dersa "Weşîya Şarî" de wendekaran reyde têkilîyanê xo dewam kena. Na çarçewa de wendekaranê sinifa 6. ya Fakulteya Tibî ya Unîversîteya Dîcle rê çarçewaya dersa "Weşîya Şarî" de qonaxê agoznayîşê awa şimitişî ca de îzeh kerd.

Perwerdeyî de rayîrê awa şimitişî yê pakî ke bingeyanê weşîya şarî ra yew o, rayîro ke Bendawa Dîcle ra heta tesîsê agoznayîşî yeno û qonaxê ke tira vîyarenê wendekaran rê ameyî îzehkerdene.

Programê perwerdeyî de wendekaran derheqê pêmitişê debîyî, awanîya hewadayîşî, klorkerdişê verên, têmîyandayoxê lezî, tarçanayox, filtreyî, tankê têkilîya klorî û prosesê vilakerdişî de personalanê DÎSKÎ ra melumatê detayinî girewtî. Reyna, goreyê melumatanê laboraturwarî kalîteya awa şimitişî ya Amedî ca de ameye mojnayene.

DÎSKÎ, programan de ke her serre teqrîben 540 wendekarî tede ca gênê, wazena ke muhîmîya awa şimitişî ya pake û weşîya şarî ser o hişmendîye virazo.