Şaredarîya Amedî ya Şaristanê Girdî, personelanê Nweşxaneyê Perwerde û Cigêrayîşî yê Gazî Yaşargîlî rê derheqê halê ‘şewatê muhtemelî de ganî çi bêro kerdene’ de perwerde da. Bername de do 25 nêweşxaneyan de 10 hezar personelan rê perwerde bêro dayene.

Serekîya Daîreya Îtfaîye, derheqê sebebê şewat, tedbîrê ke do vera şewatan bêrê girewtene û cayê şewatî de ganî çi bêro kerdene de seba personelanê ke dezgeyanê raye de xebitîyenê dest bi bernameyê perwerdeyî kerd.

Bername de hetê îtfaîyekaran ra ke Serekîya Daîreya Îtfaîye de wezîfedar ê, Nêweşxaneyê Perwerde û Cigêrayîşî yê Gazî Yaşargîlî de perwerde ame dayene.

Tedbîrê ke do vera şewatî bêrê girewtene ameyî îzahkerdene

Perwerdeyê teorîkî de ke salona konferansî de ame organîzekerdene, personelan rê sebebê vejîyayîşê şewatî , tedbîrê ke do bêrê girewtene, çîyê ke ganî şewatî de bêrê kerdene û wezîfeyê îtfaîye ameyî îzahkerdene.

Perwerdekaran derheqê hacetan de ke do şewatan de bêrê şuxulnayene, malumatî dayî xebatkaran û mudaxeleyê şewatanê sinifê huşk, awî û gazî bi hawayêko pratîk ameyî mojnayene. 

Do 10 hezar personelan rê perwerde bêro dayene

Serekîya Daîreya Îtfaîye, bername de do 25 nêweşxaneyan de 10 hezar personelan rê perwerde bido.