Tîyatroyê Bajarî yê Şaredarîya Amedî ya Şaristanê Girdî (DBŞT), çarçewaya 21ê sibate Roja Ziwanê Dayîke ya Dinya de kayê bi nameyê Strip-Tease ame kaykerdene.

Aktîvîteyê ke hetê Serekîya Daîreya Karê Kultur û Sosyalî ya Şaredarîya Şaristanê Girdî ra bi munasebetê 21ê sibate Roja Ziwanê Dayîke ya Dinya yenê organîzekerdene, dewam kenê. Çarçewaya aktîvîteyan de Merkezê Kultur û Kongre yê Çand Amedî de kayê ‘Strip-Tease’î ke kaykerdoxanê DBŞT’yî hazir kerdo, ame kaykerdene.

Kayo ke hetê nuştoxê polonyayij Slawomir Mrozekî ra ameyo nuştene û adapteyê kirmanckî bîyo, tede Zeycan Ateş, Lokman Baran, Sena Ozbeyî kay kerd. Kayo ke Sena Ozbeyî rejîsorîya ey kerd, xetimîyayîşê mîyanê sistemî û merdimê ke mîyanê sîstemî de bîyê sey yewbînan û nêşkenê rayîrê vejîyayîşî bivînê, temaşekerdoxan rê dano nawitene. Sîstemo ke merdiman keno kopyayê yewbînan, merdimî verê xizmetê sîstemî kenê la yew wextî ra dima benê qurbanê sîstemî.