Ekîpê Şaredarîya Amedî ya Şaristanê Girdî, 69 taxanê dewan de 714 kîlometre rayîro ke seba vewre padîyaybî, akerdî.

Serekîya Daîreya Viraştişê Rayîran û Koordînasyonê Binawanî, seba ke şarê ma şertanê hewayê zehmetî de problemê rayîrî nêanco, merkezê bajarî û rayîranê taxanê dewan de 6 şantîyeyan de bi 100 personel, 62 ekîpan û zaf hacetan xebatanê xo dewam kena. Ekîbî 7 rojî 24 saetan vera vewre û rîskê cemedî têkoşîn kenê.

Rayîrê 69 taxan abîyî

Amed de seba vewra zafe qezayanê Farqîn, Pîran, Hêni, Pasûr û Licê de rayîranê 80 taxanê dewan de rayîrî padîyayî. Bi encamê xebatanê zafan, 69 taxan de 714 kîlometre rayîrî akerdî û resê şarî ame akerdene. 

Xebatanê ekîban Farqîn de 3 taxan de 19, Pîran de 18 taxan de 161, Hêni de 24 taxan de 174, Pasûr de 14 taxan de 265, Licê de 10 taxan de 160 kîlometre rayîrî akerdî.

11 taxan de xebatî dewam kenê

Hetêko bîn ra qezaya Pasûrî de 6, qezaya Licê de 5 taxan de 11 û rayîrê taxan ke padîyayê, seba akerdişî xebatê ekîban dewam kenê.

Xebata soledayîşî

Ekîbê ma akerdişê rayîran ra teber qezayanê ma yê teberî de cayo ke hewce keno, xebata soledayîşî zî kenê.