Şaredarîya Amedî ya Şaristanê Girdî, çarçewaya 8ê Adare Roja Cinîyanê Kedkaran a Dinya de vera awanîya xizmetî ya şaredarîye de Nawitgehê Portreyê Cinîyan akerd.

Serekîya Daîreya Xizmetê Cinî û Keyeyî, ke seba 8ê Adare Roja Cinîyanê Kedkaran a Dinya de çalakîyanê cîya-cîyan kena, tarîxanê cîyayan de têkoşînê cinîyan û wareyê kultur-hunerî de nameyê ke vernî de yê Nawitgehê Portreyê Cinîyan akerd. Nawitgeho ke vera awanîya xizmetî ya Şaredarîya Şaristanê Girdî de abî, personelanê şaredarîye û şarî ra eleqe dî.

Nawitgeho ke tede portreyê xeylê cinîyan sey Nesrîn Sutude, Meryem Mîrzahanî, Sûsika Sîmo, Şîrîn Tekelî, Leyla Bedirxan, Rosa Luxemburg est ê, do heta 8ê Adare akerde bimano.