Şaredarîya Amedî ya Şaristanê Girdî, tesîso ke werdê fitarî tede yeno viraştiş, kontrol kerd.

Şaredarîya Şaristanê Girdî, çadiranê fitarî ke Meydanê Berê Koyî, Nêweşxaneyê Perwerde û Cigêrayîşî yê Gazî Yaşargîl (Wasitaya Mobîle), Parka Ben û Sen a Qezaya Yenîşehîr û Parka Keyeyê Tenûre ya Qezaya Baglarî de akerdî, rojane 6 hezar 500 kesan rê werdê fitarî dana.

Ekîbê Kontrolê Xidayan ke girêdayeyê Mudirîya Şûbeyê Baytarî ya Serekîya Daîreya Karê Weşîye yê, seba ke şar bireso xidayanê biweşîyan, tesîsî ke çadiranê fitarî rê werd virazenê, kontrolê weşî û pakî kenê.

Muhendisê xidayî û dîyetîsyenê ke warê xo de pispor ê, viraştişê werdan, qebulkerdişê malan teqîb kenê û hetanî merheleyê girewtiş û vilakerdişî kontrol kenê.

Kontrolan de, vera jehrbîyayîşê gidayan yê muhtemelan, nimûneyê werdan yenê girewtene û kontrolkerdene.

Kontrolan de reyna kontrolê munasibîya tesîsî ya bi qeydeyanê pakî, şertê muhafezekerdişê malzemeyanê ke werdan de yenê şuxulnayene, melumatê etîketan, tarîxê şuxulnayîşê peyênî, şertê viraştiş û vilakerdişê werdan ame kerdene.

Ekîbê Kontrolê Xidayan yê Şaredarîya Şaristanê Girdî, seba ke şar bireso fitarêko weş, aşma Remezanî de do kontrolan xo dewam bikerê.