Xelatê Vazdayîşê Şarî yê Newroze ke Şaredarîya Amedî ya Şaristanê Girdî do meşte organîze biko û kesê ke derece gênê do çi xelete bigîrê, dîyar bîyî.

Serekîya Daîreya Xizmetê Ciwan û Sporî do Vazdayîşê Şarî yê Newroze 16ê Adare Yewşeme saete 14:00î de Sûr de organîze biko.

Vazdayîş do Birca Keçan a Berê Mêrdînî de dest pêbiko û Cayê Cuya Hempare yê Sumerparkî de biqedîyo û seba kesanê ke dereceyê hera hîreyinî bigîrê do xelatî bêrê dayene.

Kesê yewinî rê takimê eşofmanî yê Amedsporî, solê sporî û formaya maçî ya bi îmzaya futbolîstanê Amedsporî, kesê dîyi rê takimê eşofmanî yê Amedsporî û formaya maçî ya bi îmzaya futbolîstan û kesê hîreyinî rê zî formaya maçî ya bi îmzaya futbolîstanê Amedsporî do bêrê dîyarîkerdene.