Şaredarîya Amedî ya Şaristanê Girdî, verê Roşanê Remazanî goristanan de dest bi xebata pakkerdişî kerd.

Serekîya Daîreya Weşîye çarçewaya hazirîyanê Roşanê Remazanî de seba ke şar bieşko zîyaretanê xo yê goristanî cayêko pak de biko, dest bi xebate kerd.

Qezaya Kayapinarî de Goristanê Peyasî de xebatan dest pêkerd, ekîbî goristanî de vaşê xoserî bîrrnayî, rayîrî pak kerdî, çopî arê dayî. Ekîbanê ke goristanî de xebata derman zî kerd, eşteyê ke arê dabî, bi wasitan berdî cayê çopî.

Heme goristanî do bêrê pakkerdiş

Ekîbî, badê ke xebatê Goristanê Peyasî qedêna, do Goristanê Yenîkoyî, Şehîtlik, Berê Mêrdînî, Çiftehavuzlar, Alîpinar û Goristanê Suryanîyanê Qedîman de xebata pakkerdişî bikerê.