Şaredarîya Amedî ya Şaristanê Girdî bi 21 wesaîtanê îtfaîye yê neweyan fîloyê xo kerd gird. Serekê Daîreya Îtfaîye Metîn Alarî va ke wesaîtê neweyî do herêmanê dewan de şertanê arazîyanê zehmetan de zî tesîrin kar bikerê û do têkoşînê şewatan de ferqêko pîl virazê.

Serekîya Daîreya Îtfaîye ya Şaredarîya Şaristanê Girdî, seba ke bi hawayêko raşt û lez mudaxeleyê şewatan biko, 21 wesayîtanê îtfaîye yê neweyan gêna û fîloyê xo kena gird. Wesayîtê ke şertanê arazîyanê zehmetan de hîna tesîrin xebitîyenê, do hem mudaxeleyê şewatan de ferq virazê hem zî programêko profesyonel ê karî bi standardanê mîyannetewîyan pê do bêro temamkerdiş.

Alarî va ke aşmanê hamnanî de herême de şewatê arazîyan zaf reyî vejîyenê û nê şewatî tena xoza rê ney eynî wextî de herêmanê ziraetî, ekosîstem û heta emnîyetê gan û malî rê zî zerarê cidî danê. Coka ganî bi lez şewatan rê mudaxele bêro kerdene.

Alarî îfade kerd ke 11 wesayîtê înan 4×4 û kapasîteyê 7 ton awe, 6 wesayîtê înan 6×4 û kapasîteyê 11 ton awe, 3 wesaîtê înan 6×4 tanker, kapasîteyê 17 ton awe û 1 wesaît zî do sey wesayîtê lojîstîkî bêro şuxulnayene. 10 wesaîtê sifteyî aşma temmuze de, 11 wesaîtê bînî zî aşma êlule de do bêrê teslîmgirewtene.

Bi nê wesaîtanê neweyan ra humara wesayîtanê Serekîya Daîreya Îtfaîye beno 79 û Alarî îfade kerd ke 300 personel û 79 wesayîtan reyde do hîna lez şewatan rê mudaxele bikerê.