Hemşaredara Şaredarîya Amedî ya Şaristanê Girdî Serra Bucak, seba kitabê rojnameger û nuştox Îrfan Aktanî "Japonya de Kurdbîyayîş", beşdarê sohbet û roja îmza bîye.

Çalakî çarçewaya Sohbetê Amîda Akademî de Weqfa Şinasnayîş, Kultur û Hetkarîya Amedî (DÎTAV) de ame organîzekerdiş. Çalakî ke bi moderatorîya nuştox Şeyhmus Dîkenî ame viraştene, Hemşaredara Şaredarîya Şaristanê Girdî Serra Bucak, Parlementerê Partîya Seypêyîya Şaran û Demokrasîye (DEM Partî) ya Amedî Sevilay Çelenk û zaf kesî beşdarê ci bîyî. Nuştox Aktan sohbetî de prosesê nuştişê kitabî û tecrubeyê xo yê derheqê Japonya de pare kerdî.