Hemşaredarê Şaredarîya Amedî ya Şaristanê Girdî Serra Bucak û Dogan Hatun, heyetê ke seba pîrozkerdişê Newroze teber ra ameyî û temsîlkarê partîyanê sîyasîyan û dezgehanê komelê sivîlî reyde ameyî têhet.

Şaredarîya Amedî ya Şaristanê Girdî, heyetê ke seba pîrozkerdişê Newroze yê Taxa Baxcilan a qezaya Baglar ra teber ra beşdar bîyî û temsîlkarê partîyanê sîyasîyan û dezgehanê komelê sivîlî rê programê werdî organîze kerd. 

Werdo ke yew otelê qezaya Sûrî de ame dayene, Hemşaredarê Şaredarîya Şaristanê Girdî Serra Bucak û Dogan Hatunî reyde, Hemsereka Pêroyî ya Partîya Seypêyîya Şaran û Demokrasîye (DEM Partî) Tulay Hatîmoğullarî, Hemsereka Pêroyî ya Partîya Herêmanê Demokratîkan (DBP) Çîgdem Kılıçgun Uçar û heyetê ke teber ra ameyî beşdar bîyî. Hemşaredarê ma ke mêmanan reyde sohbet kerd, seba ke beşdarê programê werdî bîyî, mêmanan rê sipas kerd.