Hemşaredara Şaredarîya Amedî ya Şaristanê Girdî Serra Bucak, verê Roşanê Remazanî, personalê Serekîya Daîreya Xizmetê Sosyalî ke seba muracatanê piştîya sosyale mesai kenê, zîyaret kerd.

Hemşaredara Şaredarîya Şaristanê Girdî Serra Bucak, verê Roşanê Remazanî çarçewaya muracatanê piştîya sosyale de personalê Serekîya Daîreya Xizmetê Sosyalî ke mesaî kenê, zîyaret kerd.

Hemşaredar Bucak, personalê ke xebata hazirkerdişê hetkarîya 3 hezar TL yê her 3 aşman danê 3 hezar kesan ke sîstemê muracatê onlaynî ra muracat kerdo, înan reyde ameye têhet. Aye seba keda înan sipas kerd û xebatan de serkewtiş waşt.

Zîyaretî de Sereka Daîreya Xizmetê Sosyalan Serap Yildirim û endamê meclîsî Hemşaredare Bucak reyde bîyî.