Şaredarîya Amedî ya Şaristanê Girdî, seba ke res hîna emnî û rahetêr bibo, heme şaristanî de cade û bulwaran de 240 hezar ton asfalto germ do rokero.

Serekîya Daîreya Pawîtişê Rayîr û Koordînasyonê Bînawanî, serra 2025-2026î de 17 qezayan de seba ke res hîna baş bibo, projeyî hazir kerdî.

Na çarçewa de rayîranê mahlanê dêsî de xebatê rayîrî dewam kenê û ekîbî do 500 kîlometre rayîran de asfalt û xebatanê rayîrî bikerê. Şaristanî de cade û bulwaran de 180 hezar tonî zereyê şaristanî de, pêro pîya 240 hezar ton asfalto germ do bêro rokerdiş.

Qezaya Kayapinarî de, Bulwarê Selahaddîn Eyyubî û Firatî de 14 kîlometre rayîrê bîsîkletan do bêro viraştene û şaristanî de pêro pîya 200 hezar metremurabayî do pîyade verî ser o xebate bibo.