Mudirîya Pêroyî ya DÎSKÎ ya Şaredarîya Amedî ya Şaristanê Girdî û Mudirîya Perwerdeyê Şaristanî ya Amedî, seba ke hîsê tasarûfîya awe û şîyarkerdişê derûdorî bido wendekarê dibistanan, protokolê hemkarîye îmza kerd.

Mudirê Pêroyî yê DÎSKÎ Mehmet Şerifoğlu û Mudirê Perwerdeyê Şaristanî Murat Kuçukali, na çarçewa de "Semînerê Perwerdeyê Qasidê Aweyî" da destpêkerdene. Serra perwerdeyî ya 2024-2025 de, wendekaran rê muhîmîya awe, metodê tasarûfî û pawitişê çimeyan do bêrê vatene.

Seminero ke do "Awa Ma Ameyoxê Ma yo" reyde bêrê organîzekerdene, tede do çerxa awe, şuxulnayîşê hişmendîye û vernîgirewtişê qirêjbîyayîşî bi metodê întekaktîfan bêrê îfadekerdene. Wendekaran rê ke do perwerdeyî biqedênê, do "Sertîfîkaya Qasidê Awe" bêro dayene.

Seminero verên 21ê Nîsane de qezaya Baglar de Dibistana Destpêkî ya Arif Eminoğlu de dest pêkeno, reya dîyine zî 24ê Nîsane de Dibistana Destpêkî ya Fatihî de do bo.