Şaredarîya Amedî ya Şaristanê Girdî, do wendekaran îmtîhananê Dibistana Berze ya Sporî a Perwerdeyê Bedenî û Lîseya Sporî rê bêheq hazir bikero.

Serekîya Daîreya Xizmetê Ciwan û Sporî, seba ke piştî bido ciwanan, do kursanê hazirîye yê bêheqan organîze bikero.

Muracatan dest pêkerd

Wendekarê ke wazenê beşdarê kursanê hazirîye yê bêheqan ê Dibistana Berze ya Sporî a Perwerdeyê Bedenî (BESYO) û Lîseya Sporî bibê, ganî hetanî 23ê Gulane linkê https://form.jotform.com/dbbgencliksporkurs/besyovesporlisesi ser o muracatanê xo bikerê.

Kursanê hazirîye de ke sînorê kontenjanî çin o, do perwerdekarê profesyonelî xizmet bidê.