Hemserekê Şaredarîya Bajarê Girdî yê Amedî Serra Bucak û Dogan Hatun, personelanê beşê şaredarî û Midurîya Pêroyî ya DÎSKÎ reyde ameyî têhet.

Hemserekê Şaredarîya Bajarê Girdî yê Amedî Serra Bucak û Dogan Hatun, beşê ke  şaredarî ser o cîya cîya nuqteyê bajarî de xebate keno û beşê ke Midurîya Pêroyî ya Awe û Îdareyê Kanalîzasyonî(DÎSKÎ) ra girêdayîye de personelan zîyaret kerd.Selahîyetdarê beşan û personelan şîyî hemserekî ver û xebatanê beşan ser o agahî girewtê.

Bucak:Ma wazeme îtfaîya aver berî

Hemserek Serra Bucak zîyaretê îstasyonê Serekîya Dayîreyê Îtfaîya de qalî kerd û da zanayene ke ewro waştêne ke beşê teber û personelan nas bikerî. Bucak da zanayene ke îtfaîya warêko xidar o û ê do semedê averberdîşê îtfaÎya bixebitê. Bucak,”Dîyarbekir bajareke 2 mîlyonin a, aye ra zî ma wazeme bi hewayêko asayişin no ware de bixebitê” vat.

 Heto bîn ra zî Mehmet Şerîfogluyî ke tayine Midurê Pêroyî ya DÎSKÎ bîyo, hemserekan reyde tedir bi û roşanê personelan pîroz kerdî û kar û güre înan de serkewtişî waştê.

Hatun: Qet yew dewe de problemê awe nêmane

Hemserekê Şaredarîya Girdî Dogan Hatun zî zîyaretê personelan de qalî kerd, û da zanayene ke DÎSKÎ ewilî awa şimitişî ra heta xebatanê kanalîzasyonî semedê bajarê ma cayêko girîgn der a. Dogan kîfş kerd ke ê giringîya DÎSKÎ zanenê û gereke wa DÎSKÎ hem aver şêre hem zî bê problem xizmet bide şarî. Hatun aşkera kerd ke semedê awa şimitişî ya pak û binawanîyeko zexm do çi lazim bo bêrê viraştene û “ Ma do ina babete de tikê bi fedakarî, tikê bi sermayegozarîyê sibarojî, projeyanê safîkerdişê probleme bajarî ser o bixebitê. Ma semedê hemwelatê tax Û dewan sozêko winasî da. Ma v ama do 5 serrî mîyan de sîstemêko newî awan bikerî ke no sîstem nêeşke awe biçarnê propaganda.Gereke ma pîya bixebitê pîya îstîhsal bikerê. Qasê ke deste ma ra bêro ma do 5 serrî mîyan de 17 qezayê Amedî de qet yew dewe de probleme awe nêmano, aye ra no 5 serrî do bineyna rincan bibo. Ma do hÎna zêde bixebitê û pîya hîna zêde îstÎhsal bikerê” vat.