Şaredarîya Bajarê Girdî yê Amedî bi ekîbanê xo yê dermankerdişî, xebatanê xo bêmabên dewam kena.
Serekîya Daîreya Xebatê Weşîye, Xebatê Beytarîye, Mudurîya Weşîya Şarî bi ekîbanê xo vera kêzikan de û nêweşîyê ke nînan ra vîyarenê însanan, vera nînan de xebatê xo vêşî kerdî.
274 personel û 80 wasitayî
Faalîyetê Dermankerdişî; 274 personelî, 80 wasitayî, 34 Holderî, 1 Holderê Traktorî, 15 Atomîzorî, 50 Cîhazê ULVyî, 200 pompayê paştî, 1 Mislower, 5 Cîhazê Mijkerdişê Termalî pîya 17 qeza û 1046 mehlayan de xebatî yenê kerdene
Vera Lavrayan de DermankerdiÅŸ
Xebatê dermankerdişî vera kêzik û lavrayan de Hawizan de, golan de, kanalîzasyonan ûsn cayan de ke lavrayî benê zêde, nê cayan de bi perîyodîk xebatî yenê kerdene.
 Xebatê dermankerdişî bi kontrolê muhendîsan pêroyê serre de her cayo ke tede kêzik û lavrayî benê zêde, tede bêmabên yenê kerdene.
‘Vera kêzikan de ma mucadele kenê’
Serekîya Daîreya Xebatê Weşîye da zanayene ke pêroyê serre de 12 aşmî bêmabên nê warî de xebatê yenê kerdene bi taybetî zî serê wisarî de nê kêzik û lavrayî vejîyenê meydan. Nê demanê peyênan de hetê şarê ma rê gazinî û ma benê cewabê gazinanê şarê xo. 18.04.2024î ra yo xebatê ma yê dermankerdişî dest pêkerd û bi perîyodêk do bêrê kerdene.
‘Gazinî yenê çareserkerdene’
Serekîya Daîreya Xebatê Weşîye da zanayene ke gazinî ke şaredarî rê yenê kerdene ma bi lez û bez çareyêk peyda kenê û benê cewabê şarê xo. Şarê ma eşkeno 153î bigêro û gazinanê xo yê biresno ma.
