Hemşaredara Bajarê Girdî yê Amedî Serra Bucak, forumê GoForî de qisey û va ke bajar do bêro bedilîyayîş.

Rêxistina Ciwanan ke seba ke polîtîkayanê ciwanîye bikera hîna baş, xebitêna (GoFor), bi babeta xo ya "Îdareyê Herêmî de Ciwanîye" Otela Grand Parkî de programêk da viraştene. Hemşaredara Bajarê Girdî yê Amedî Serra Bucak, Hemşaredara Sûrî Fatma Gulan Onkol û encumenê Şaredarîya Girdî beşdar bîyî.

Akerdişê programî de Hemşaredara Bajarê Girdî yê Amedî Serra Bucak qisey kerd û va, "Şima pêro bi xeyr ameyî nê bajarê ma yê qedîmî. Û şima mewsîmêkê zaf weşî de zî ameyî. Keyf bikerê çend rojî" û beşdarê silam kerdî

"Polîtîkayê dûrîyê beşdarîye ameyî kerdene"

Hemşaredare îfade kerd ke 8 serranê qeyyûman ra dima şaredarî ameya girewtene û da zanayene ke heme polîtîkayê qeyyûman gede, cinî û şarî ra dûrî bîyî.

Bucak ard ziwan ke 31ê adare ra dima do bajarî de bedilîyayîşî bibê û seba ney zî bêmabên do bixebitîyî.

 Programî de Hemserekê GoForî Yagmur Bayindir û Cem Pekbalikçi, koordînatorê pêroyî Hasan Oguzham Aytaç û Hemşaredara Sûrî Fatma Gulan Onkol zî qisey kerd.

Hemsereke Bucak beşdarê programê Zîrekîya viraştîye bî

Hemşaredara Bajarê Girdî yê Amedî Serra Bucak beşdarê Fûarê Mezopotamya yê Zîreetî de programê "kodkerdişo robotîk" zî bî.

Bucak reyde Sekretero Pêroyî Emrullah Gorduk, hetkarê ey Reşat Bakan û Azîz Ozdogan û Serekê/a daîreyan pêya bîyî. Programî de bi slaytan tesîrê zîrekîya viraştîye ya perwerdî ser o ame mojnayene.

Hemşaredare programî ra dima heme standan yew bi yew gêra. Demêk standê Şaredarîya Bajarê Girdî yê Amedî de vinderte û mêmanan rê gul û çîçegî dîyarî kerdî.