Şaredarîya Bajarê Girdî yê Amedî Bûlwarê Mezopotamya de projeya xo ya Yeşîl Kuşak de ke 100 hezar metrekare de yena viraştena, resaye peynîye.

Serekîya Daîreya Park û Baxçeyan, Bûlwarê Mezopotamya de ke Qezaya Kayapinarî de ca gêno, projeya xo ya Yeşîl Kuşak demêko zaf kilmekî de qedênena û dekena xizmetê şarî.

Ekîban, xebatanê binawanî te 300 kamyonî harfîyat vet. 100 hezar metrekare de 4 hezar û 250 kamyonî herre ameye rokerdene ke xebatê peyzajî bêrê kerdene. Depoyê awe ameyî awankerdene ke dar û vilikî bêrê awedayene

Dar û lemî estetîk bîyî

Bûlwarê Mezopotamya de cayo ke vaşin bî û harfîyatê înşaatî tede ameybî rokerdene, Serekîya Daîreya Park û Baxçeyan 800 darî û 6 hezar zî lemî ronayî û uca kerd estetîk. Peynîya xebate de bi hezaran vilikî zî do bêrê ronayene.

Proje 7î ra heta 70î seba her kesî ya

Projeya Bûlwarê Mezopotamya Yeşîl Kuşak de ke 7î ra heta 70î seba her kesî ya, cayanê cîya-cîyayan de 10 parkê gedeyan, 6 hacetê fîtnessî, 112 cayê roniştişî, 52 masayê sergirewteyî, û 4 masayê tenîsî ameyî awankerdene. Xebatê roşnkerdiş û rayîrê rayîrşîyayîşî qedîyayî.

Serekîya Daîreya Park û Baxçeyan xebatê xo yê serawanî û binawanî qedînayî tena rutuşanê peyênan kena ke projeya xo demêkê kilmekî de dekera xizmetê şarî.

Serekîya Daîreya Park û Baxçeyan seba ke Dîyarbekirî bikera şaristanêko hîna estetîk, do dewan bikera ke bixebitîya.