Şaredarîya Amedî ya Bajarê Girdî Qezaya Kayapinarî Mehlaya Sanayî de projeya xo ya Yeşîl Kuşak ke 17 hezar metrekare de ameya viraştene, qedêna.

Serekîya Daîreya Park û Baxçeyan a Şaredarîya Bajarê Girdî yê Amedî seba ke şarê xo rê bajarêko hîna estetîk û kesk bida awankerdene, bêmabên xebitêna. Serekîya Daîreya Park û Baxçeyan Mehlaya Sanayî a Kayapinarî de Projeya Yeşîl Kuşak qedîna û dekerd xizmetê şarî.

Mehlaya Sanayî ya Kayapinarî de ekîbê Şaredarîya Bajarê Girdî yê Amedî proje de seba doman, ciwan, cinî û ehtîyaran projeya xo qedêna û binawanîyê proje zî bi depo û sondajan ame viraştene de nebat û çîçegî weş bêrê.

13 hezar metrekare çayirî rê ame aqitnayene

Serekîya Daîreya Park û Baxçeyan a Şaredarîya Bajarê Girdî yê Amedî xebatanê xo yê serawanî û binawanîyan de 278 darî, 1500 lem û vilikî goreyê mewsîmî dayî roneyene.

13 hezar metrekare seba dar û çayirî ameyo aqitnayene û seba arisîyayîşî zî parke de 13 masaya sergirewta, 25 grûbê roniştişî, cayê kay û sporî û sayayêka basketbolî zî ame awankerdene.

Parke de tenûrî zî ameyî viraştene

Serekîya Daîreya Park û Baxçeyan a Şaredarîya Bajarê Girdî yê Amedî goreyê sosyo-polîtîkê Mehlaya Sanayî parke de tenûrî zî dayî viraştene.

4 cayan ra tenûrî mîyanê banekanê 9 metrekareyan ameyê viraştene ke şarê Mehlaya Sanayî nanê xo bi hewayêko sterîl bipewjo

Serekîya Daîreya Park û Baxçeyan goreyê lazimîya bajarî xebatanê xo dewam kena.