Mudûrê Pêroyî yê DÎSKÎyî Mehmet Şerîfoglû dîyar kerd ke seba tedbîrê lazimî vernîya zêde mehsuldarê awe bigîrê, înan proje amade kerdo û vat, "Ma venga welatijanê xo danê ke wareyê zergûn ê mîyanê sîteyan û cayê bînî yê ke awe ci ra yena, awa pake nêşuxilnê.”

Mudûrîyê Pêroyî yê Awe û Kanalîzasyonî yê Şaredarîya Bajarê Pîlî ya Amedî (DÎSKÎ) seba ke germbîyayîşê hamnanî zêde beno, seba awdayîşê bêhişmendî û xemsarî îqaz kerd. Mudûrê Pêroyî yê DÎSKÎyî Mehmet Şerîfoglû derheqê babete de îzahatêk da û dîyar kerd ke welat û dinya de hemverê ziwabîyayîşî ke bi vuryayîşê îklîmî yê peyîn de, bi çend serrî yo rojeve de yo, xebatê muhîmî yenê kerdiş û vat: "Seba ma wezîfeyê xo yê nê wareyî de bi ca bîyarê, ma kêmîyê awa şimitişî û awdayîşê ramitişî taqîb kenê. Ma projeyan virazenê ke tedbîrê lazimî seba zêdekerdişê mehsuldarîya awe û şuxilnayîşê awe wareyê ekonomîye de bigîrê."

Vera awa şebekeyî awa bîrî bişuxilnê

Şerîfoglû bale ant serê muhîmîyê şuxilnayîşê awa şimitişî yê hetê ekonomî de û wina vat: “Vera awa hêneyî ke wareyê zergûnayî de yena şuxilnayîş, do feydeyê ekonomî bi dest bikero û sewbîna seba pawitişê awa ke seba amancê merdimî yena şuxilnayîşî zî bibo hetkar. Bi nê minasebetî, ma welatijanê xo hişyar kenê ke tewr zêde hîsgêr bibê, serê şuxilnayîşê awa pake de cayê zergûnayî yê mîyanê sîteyan û cayê bînî yê ke lazimîyê awe pê est o."