Şaredarîya Amedî ya Şaristanê Girdî Terasê Temaşeyî yê Fîskayayî kerd bêpere ke şar Royê Dîcle û Baxçeyê Hewselî temaşe biko.

Şaredarîya Amedî ya Şaristanê Girdî demê qeyyûman de Terasê Temaşeyî yê Fîskayayî kerdbî bipere. Teraso ke Qezaya Yenîşehîrî de yo bi qerarê Şaredarîya Bajarê Girdî yê Dîyarbekirî êdî şar do bêpere bieşkîyo terasî ra Baxçeyê Hewselî û Royê Dîcleyî temaşe biko.

170 metrekare kompozît û 60 metrekare zî teraso camên pêro pîya 230 metrekare de terasê temaşeyî û kafeyêk est a.

‘No, şarî rê xîzmet o’

Teraso camên ke bî bêpere, şar zaf tira memnûn bî. Bülent Ozceylan ke Îzmîr ra ameyo û terasî de keyf keno wina va: "Ma Îzmîr ra ameyî û ma pêhesîyayî ke tîya bîyo bêpere. Ma zaf memnûn bîy. No, şarî rê xîzmet o. Ma şaredarî rê sipas kenê.

Cennet Cengîza ke terasî de temaşe hewselî kerdêne wina va: "Ma zaf pê keyfweş bîyî ke no teras dî bîyo bêpere. Ma Şaredarîya Bajarê Girdî yê Amedî rê sipas kenê."

‘Bêpereyîya tîyayî avantaj o’

Umît Îsafçayo ke dîyar kerd ke nê tewir xebatî hewce kenê, wina va: "Mi dî ke no teraso ke tîya de ameyo ronayene, xêzmetêko zaf rind o, ez zaf pê keyfweş bîya. Hewcedarîya şaristanê ma bi nê tewir xebatan est a, no seba şarî avantaj o."