Miqatxaneyê Heywanan ê Şaredarîya Amedî ya Bajarê Girdî nê 2 aşmanê peyênan de hezar û 116 rey şîyê mudaxeleyê îhbaran kerd û 323 heywanî tedawî kerdî û apey verdayî xozaya înan.

Binê Serekîya Daîreya Karanê Weşîye de serra 2009î de 17.054 metrekare de Miqatxane ameybî viraştene. Merkezî de 51 banekê kutikan, yê pisîng û heywananê pîlan, odaya rontgenî, labaratuwar, almelîyatxane û awanîya îdareyî est ê.

Kapasîteyê miqatxaneyî 550 heywan o, nînan ra 400 seba kutikan 150 zî seba pisîngan o. Nika miqatxaneyî de 212 heywanî yenê mitaqkerdene.

323  heywanî ameyî verdayene

Merkezê Heywanan ê Miqate û Rehabîlîtasyonî ca de mudaxeleyê îhbaran keno. 8ê nîsane 2024î ra heta nika 798 hebî pisîngî û 318 zî kutikî ameyî îhbarkerdene. Nê heywanî ameyî tepîştene û tedawîkerdene. 323 heywanî zî tedawîyî ra dima ameyî verdayene

Heywanî yenê wayîrkerdene

Goreyê cinsîyetê înan heywanî verê yenê cîyakerdene. Êyê ke nêweş ê, yenê tedawîkerdene. Goreyê qanûnê 5199î tedawîyî ra dima heywanî yenê verdayene. Tayê heywanî yenê wayîrkerdene. Na aşma peyêne ke 10 heywanî ameyî wayîrkerdene.