Ekîbanê Şaredarîya Amedî ya Bajarê Girdî, firin, market û resayîşê komkî de kontrol kerd ke şarê ma hîna biewle û bikonfor biciwîyo.

Serekîya Daîreya Zabitayî bi ekîbanê xo seba ke şarê hîna biewle û bikonfor xîzmet bigîro, resayîşî ra heta marketan kontrol kena. Kontrolî de kesê ke goreyê mevzûatî nêxebitênê, înan rê ceza û îqaz yenê dayene.

310 tesîsî ameyî kontrolkerdene

Ekîbê zabitayî 10 rojanê peyênan de market, firin û resayîşê komkî de 310 tesîsî kontrol kerd. 6 marketan rê seba ke vayîyaya etîket û kasa seypê nîyê, ceza ameye dayene. Sewbîna 4 firinan rê zî seba gramaj û hîjyenî ceza ameye dayene.

Parsekîye rê rayîr çin o

Merkezê şaristanî de kontrolê parsekîye de cade û rayîran ra 289 kesê ke parsekîye kenê, cayê xo ra ameyî girewtene. Persekan ser o 8.651 TL pereyî ameyî destserronayene. Ê kesanê ke parsekîye kenê û hîsanê şarî suîstîmal kenê,  înan rê zabitname ame tepîştene.

Şoforê Resayîşê Komkî ameyî îqazkerdene

Mînîbusanê merkezê şaristanî de 38 mînîbusî ameyî kontrolkerdene. Şoforî ameyî îqazkerdene ke rayîrî ser o raywanî nêgîrê, guzergahî ra nêvejîyê û berê xo padê.

Otobusanê Şarî yê Taybetî ameyî ameyî kontrolkerdene. 41 wasitayî ke ameyî kontrolkerdene, şoforanê înan ame vatene û îqazkerdene ke ê kesê ke karta înan a belaşe est a, ê do nêrê magdurkerdene.

Wasitayanê tîcarî de  35 taksî ameyî konrtolkerdene. Ê ameyî îqazkerdene ke taksîmetreyê akê û ucretêko sabît bêro girewtiş.

Wasitayê Tonajê Giranî zî ameyî kontrolkerdiş. 12 wasitayanê ameyî kontrolkerdiş, înan yew wasita rê ceza ameye dayene seba ke belgeya aye yê dekewtişê bajarî çin bî.

‘Ma 24 saetî xebitêne’

Serekê Daîreya Zabitayî Veysî Ruzgarî dîyar kerd ke ê 24 saetî bêmabê seba weşî û konforîya şarî xebitêne. Ruzgarî ard ziwan ke  kontrolê market û firinan de ê bi şaredarîyanê qeza pîya xebitênê. Ruzgarî wina dewam kerd: “Ma 24 saetî xebitênê ke şarê ma hîna biewle û weşîye biciwîyo. Otogarê Amedî de zî xebatê ma yê cîdî est ê. Xebatê ma do dewam bikê.”