Şaredarîya Amedî ya Şaristanê Girdî û Şaredarîyê Qezayan, bi wesîleyê 5ê Hezîrane Roja Derûverî yê Dinya Kampanyaya ‘Pakkerdişê Amedî’ da destpêkerdene û şarî rê melumat ame dayene.

Kampanyaya ke Serekîya Daîreya Kontrol û Pawitişê Derûdorî Berê Koyî de dest pêkerd. Bi hemşaredaranê qezayan, sekretero pêroyî û hetkarê sekreterîya şaredarî, serekê daîreyan û mudirîyê yewîneyan beşdar bîyî. Beşdarî tşortê ke ser o bi tirkî, kurmanckî û zazakî “Ez Amed ra hes kena leymin nêkena” xo ro dayî.

Reşat Bakan: Kampanya heta ke Amed bibo pîr û pak dewam kena

Hetkarê Serketerîyya Pêroyî Reşat Bakanî dîyar kerd ke seba ke Amed bibo bajarêko pîr û pak na kampanya daya destpêkerdene û wina dewam kerd: “Ma ewro dest bi kampanyaya xo kenê la ma do nêqedênê. Heta ke Amed bibo bajarêko pîr û pak kampanyaya ma dewam kena. Ma bi paştîdayîşê şarê xo do ser bikewê.”

Gulan Fatma Onkol: Ma seba Amedê Pakî Ameyî Têhet

Hemşaredara Sûrî Gulan Fatma Onkol: “Seba ma her ca û kuçeyê Amedî zaf muhîm ê. Hewceyê mehla û kuçeyanê bi pakîye est a. Êyê ke beşdar bî û paştî danê, wa dest û keda înan weşe biba.”

Safîye Akdag: Ganî ma kuçeyanê xo pak verdê

Hemşaredara Yenîşehîrî Safîye Akdag zî wina va: “Şima zanê ke mayanê varanî de zî verê berê xo ritêne. La ma a hesasîya înan nêgirewta. Ganî ma keyeyê xo de herkesî rê hişmednîya pakîye bidê. Çunke Amed wareyê ma yo û seba ma zaf bierj o. Her serê sibayî 464 personel û 342 wasitayî bajarê ma pak kenê. Keremê xo ra şima zî her şan saete. 05.30 û 06.00î de çopê xo bierzê konteyneran.

Pakîye ameye kerdene, şarî rê melumet ameyî dayene

Qiseykerdişan ra dima hemşaredar û şar pîya Cadeyê Gazî, Melîkahmet û Hz. Suleymanî de pakîye ameye kerdeç.

Baglar û Kayapinarî de çalakîya pakîye

Çalakîyanê ke amancê xo wendekeranê dibistan û mektebo mîyanên de hişmendîya pakîye bêro awankerdene, Cadeyê Hatboyu û Parka Rojava de çalakî ameyî viraştene.