Serekîya Daîreya Xizmetanê Ciwanan û Sporî ya Şaredarîya Amedî ya Şaristanê Girdî bi amancê vilakerdişê sporê tenîsî û piştîdayîşê averberdişê qabîlîyetanê gedeyan û ciwanan, kursê bêpereyî organîze kerdî.

Kursan de ke Kortanê Tenîsî yê Sergirewteyan ê 75î yê qezaya Kayapinarî de ameyî bicaardene û bi perîyodanê 2 aşman dewam kenê, seba beşdaran destekê materyalî ame pêşkêşkerdene û derheqê teknîkanê tenîsî yê bingeyinan de perwerde ame dayene.

540 kursîyerê ke 320 pîlî û 220 gede yê, perwerdeyo ke girewt, pê xebatanê tatbîqî xurt kerd û resayî a sewîya ke bieşkê ralîya dihetî û maç bikerê.

Antrenoran va: "Şarê bajarî de seba tenîsî eleqeyêko gird est o"; kursîyeran zî îfade kerd ke ê wazenê Amed ameyox de bibo bajarêk ke tenîskeranê serkewteyan resneno û pê tenîsî yeno zanayene.