Şaredarîya Amedî ya Şaristanê Girdî, bi hemkarîya Yewîya Şaredarîyan a Herêma Anatolîyaya Başûr Rojhelatî (GABB) û Yewîya Şaredarîyan a Tirkîya (TBB), seba serekanê daîreyan û mudiranê yewînan perwerdeyê "Taqîbkerdişê Kontrolê Zereyî û Îdareyê Rîskan" da. Sekreterê Pêroyî yê DBByî Serdar Bakirogli, Hetkarê Sekreterê Pêroyî Muhabbet Erdogmuş, Ozlem Tekîn û Zerîn Turk, serekê daîreyan û mudirê yewînan beşdarê roja verêne ya perwerdeyî bîyî ke Salona Kombîyayîşî ya Alî Emîrî de dest pêkerd û do di rojî dewam bikero.

Têkilîya îdareyê stratejîkî û kontrolê zereyî ame erjnayene

Çarçewaya perwerdeyî de Yewîya Şaredarîyan a Tirkîya ra Hale Evrîm Akmana pêşkêşîyêk daye. Pêşkêşî de sernameyê "Îdareyo stratejîk çi yo, şaredarî rê çira muhîm o?", "Têkilîya planê stratejîk-bernameyê performansî-butçe-raporê faalîyetî-kontrolê zereyî" û "Kontrolê zereyî çi yo/çi nîyo û Rêziknameyê 2025î" ameyî erjnayene.

Îdareyê rîskan nimûneyanê şaredarîyan reyde ame erjnayene

Pêşkêşî de ney ra teber mewzûyê "Rîsk çi yo, kontrolê zereyî kamcîn rîskan îdare keno?", "Nimûneyê şaredarîyan" û "Planê çalakîye û tatbîqê îdareyê serênî" ser o zî ame vindertene. Bi bernameyê perwerdeyî yeno amanckerdene ke prosesê stratejîkî yê şaredarî xurt bibê û kapasîteya dezgehkî ya îdareyê rîskan zêde bibo.

Çarnayox: Mehmet Olmez