Fabrîkaya Nanê Şarî ke Şaredarîya Amedî ya Şaristanê Girdî bi fehmê şaredarîya komelkî bicaarde, yena akerdene.

Fabrîkaya ke qezaya Baglarî Taxa Baxcilaran de warêko 4 hezar û 500 metrekare yo sergirewte de ame awankerdene, etapê verênî de rojane 40 hezar nanî do bêrê berhemardene.

Prosesê ameyoxî de zî kapasîteya berhemardişî do biresa rojane 100 hezar nanan.

Fabrîkaya ke wina ame dîzaynkerdene ke pê parkurê makîneyan ê tam otomatîkî û teknolojîya peyêne xizmet bido, do bibo tesîsanê berhemardişî yê tewr muhîman ê Amedî ra yew.

Nanê ke tesîsî de do bêrê berhemardene, seba ke bi vayîya munasibe biresê heme şarê Amedî, bufeyanê nanê şarî de ke çar hetanê bajarî de do bêrê awankerdene, do bêrê rotene.