Zarokistanê Bagcilar û kreş û keyeyanê miqateyê rojaneyî yê 450 Evleran de ke girêdayeyê Mudirîya Şûbeyê Xizmetanê Gedeyan a Serekîya Daîreya Xizmetanê Komelkî yê, çalakîya zeytûnşiknayîşî ameye organîzekerdiş. Bi çalakîye amanc bî ke gedeyî kulturê berhemdayîşê tradîsyonî bişinasnê û derheqê prosesanê amadekerdişê berhemanê xozayî de tecrube qezenc bikerê ke cuya rojaneyî de yenê xebitnayîş.

Gedeyî prosesê amadekerdişê zeytûnan musayî

Çalakîye de ke metodê tradîsyonî tede ameyî daşinasnayîş, gedeyî ê prosesî musayî ke zeytûne verê ke biresa sifreyan, kamcîn prosesan ra vîyarena. Gedeyî bi aktîf beşdarê prosesê berhemdayîşî bîyî û bi kerdiş û ciwîyayîşî musayî; wina eleqeyê înan ê prosesanê berhemdayîşî zî zêde bî.

Şayîya berhemdayîş û parekerdişî

Gedeyan ke pîya wext vîyarna, muhîmîya pîya hereketkerdiş û parekerdişî zî musayî; hem tecrubeyê neweyî qezenc kerdî hem zî firsend dî ke têkilîya înan û xoza xurt bibo. Bi çalakîye amanc bî ke erjê sey parekerdiş û piştîpêdayîşî mîyanê gedeyan de xurt bibê.